Bride Union Official
- 4 min read

<Bride Union Interview Jason Pang Gallery 由心出發的婚紗攝影師 >

由心出發的婚紗攝影師: Jason Pang Gallery

Bride Union Official

Jan 28, 2019

人生最難抉擇嘅事情，莫過於係追求夢想定喺安逸生活中抉擇。有人懼怕轉變，選擇繼續高薪厚職；亦有人不甘於平凡，選擇忠於自己，做自己想做嘅事。今次我地邀請到 Jason Pang Gallery ，同我哋分享佢成為全職攝影師嘅心路歷程同婚紗攝影工作上嘅點點滴滴。

1）轉職成為攝影師

「有啲人可能將投資睇得好重，但我反而覺得好乏味。」Jason自細已經十分熱衷於攝影同藝術，但喺家人嘅影響下，佢選擇咗投身銀行業。佢唔單止一畢業後就喺銀行任職多年，而且仲係銀行投資系統設計師。然而，佢對攝影嘅熱愛仍舊絲毫不改，閒時亦會繼續發展呢項興趣。終於等到幾年前一個合適時機，Jason終於辭去原本嘅工作，全心投入攝影呢個行業。Jason呢個決定得到佢太太Angie嘅全力支持，同心協力創辦Jason Pang Gallery，主要提供 – 婚紗相、婚禮攝影錄影、家庭相、婚禮攝影、人像攝影、廣告拍攝等。 Jason喺創立自己嘅攝影事業初時並唔係一帆風順,一切都喺由零開始,逐步建立攝影團隊嘅口碑。而家嘅佢唔單止同多個租借婚紗、髮型化妝嘅供應商建立咗良好嘅合作關係,更不斷有來自世界各地嘅客人主動邀約。

2）親身打點婚紗攝影每個細節

為咗可以幫新人影到一輯完美嘅婚妙照，Jason一定會事前去 pre-wedding 拍攝場地視察情況，安排路線同時間，搵出唔同時間、天氣、光線下嘅最佳拍攝角度。Jason希望每一位客人嘅婚紗相都喺獨一無二嘅，因此會喺拍攝前充份了解新人嘅愛情故事同愛好，令佢哋嘅獨特之處融入去婚紗照中。除此之外，Jason團隊仲會為客人拍攝意思不到嘅風格，帶出佢地溫馨、浪漫、生動、型格嘅各面，務求帶到驚喜畀一對新人。

Photo - 香港城市夜晚景,帶到驚喜畀一對新人, 型格風格婚紗照講到幫唔同新人拍攝 pre-wedding 同 Big Day 嘅經驗，Jason就侃侃而談，講咗幾個令自己特別印象深刻嘅新人故事。其中提到有對喺香港深灣遊艇會搞 Big Day嘅新人，由於新郎同新娘都唔太鐘意影相，所以連pre-wedding都冇影到。 Jason 知道呢件事後，就再三哀求遊艇會嘅經理，容許佢哋可以喺不對外開放拍攝嘅甲板上補拍少量婚紗照。喺短短十五分鐘內，Jason就已經幫佢哋拍咗一輯好靚嘅 pre-wedding 婚紗相。儘管呢對新人唔鐘意影相，亦覺得展出自己嘅婚紗相好別扭，但最後見到作品後亦都非常感謝Jason。由此可見，當時Jason希望為新人留低最美時刻嘅堅持，為佢哋帶嚟咗難能可貴嘅美好回憶－「幫新人影相，最緊要係以自己嘅專業營造愉快嘅拍攝氣氛、令佢哋真正享受當下嘅時刻，就可以影出真情流露嘅相片，即使多年後仍然可以回味當時嘅情懷。」 Photo - 婚禮日在遊艇會甲板上短短十五分鐘的婚紗照，佢地很喜歡！

3）為每個家庭留下溫馨時刻

「攝影唔係有錢人嘅專利，我相信所有人都有權利影到屬於自己嘅一輯靚相。」喺工餘時間，Jason 亦有幫唔少基層家庭免費影家庭照，因為作為基督徒嘅Jason一直希望可以將工作、興趣同侍奉融合在一起，為別人帶來正面的影響。本著服務他人嘅信念，Jason不時同地區教會及慈善團體合作，帶基層家庭去香港唔同地方拍攝家庭照。面對不擅於表達情感嘅家庭，Jason會用上「威迫利誘」嘅手法，要求被拍攝嘅家庭成員擺出唔同嘅親密姿勢，試圖令佢哋嘅關係「破冰」。最令Jason感動嘅係，好多基層家庭不單止喺拍攝期間罕有地流露對親人嘅關愛，自此之後嘅關係亦大大改善咗。對於 Jason嚟講，攝影除咗喺一門專業，更係改善人與人之間關係嘅橋樑，而見到客人開心嘅樣就喺佢最大嘅收穫。 Photo - 一家人一邊整車一邊影家庭照,好開心 Photo - 拍攝BB家庭照, 客戶是一個很有要求的建築師, 而且世界各地都有佢知名既作品. 很感恩在拍攝完成之後佢同我講原來自己剛剛由英國回港一年, 在網上搵了一輪攝影師但看得出我是一個有要求既人, 而且作品很合佢口味. 經過一輪TUM BB材藝表演後終於完成今日既拍攝!

4）如何搵個好攝影師？

想知準新人可以點樣搵個好嘅婚紗攝影師？ Jason提議大家可以從幾個方面著手：第一，除左留意攝影師嘅過往作品外，仲可以研究婚紗攝影師有冇代言任何嘅攝影器材、有冇開辦大大小小嘅攝影班、或者有冇得到任何攝影獎項等等。第二，你可以留意心儀嘅婚紗攝影師是否擁有一隊完整嘅攝製團隊，如果喺個人攝影師嘅話，是否有足夠配套滿足你嘅需要。第三, 新人若然希望聘請最適合自己嘅攝影師，請記得喺下決定前約攝影師見面傾談，因為單靠婚紗展或喺網上瀏覽攝影師Portfolio喺好難知道同該位攝影師夾唔夾。最後，無論你係需要影婚紗相、Big Day或家庭相，定有興趣學攝影，都可以聯絡Jason了解佢嘅服務詳情，亦可以參加佢不定期舉辦嘅婚禮籌備或攝影Workshop。 Photo - 拍攝了一輯好特別既婚紗照, 因為唔係影 prewedding, 而係anniversary!老公送給老婆作為結婚週年紀念禮物.祝一世甜甜蜜蜜！ Photo - 這也是香港,非常美麗既瀑布和海灘, 佢地很喜歡既浪漫婚紗照！ www.jasonpanggallery.com Facebook/IG: Jason Pang Gallery